Ungke Minta Jimat

Ungke so pastiu depe tamang-tamang ja beking malo padia, "parampung
ngana kalo nentau bakalae" di pastiu kong dia lari mo cari ilmu jago
pa pak haji.

Ungke : pa haji kase akang jimat kwa pa kita, biar kita jago bakalae.
pa haji : ok, mar ada de pe syarat.
Ungke : apa dang depe syarat pa haji.
pa haji : ngana musti ba kuku di tengah kampung pangge samua warga
bakalae deng ngana, kalo so takumpul baru ngana baca tu jimat.
bagaimana?
Ungke : ok. ta stuju.

Pak haji maso di kamar dia tulis sesuatu di kertas kong dia lipa
bagus-bagus kase pa ungke.

pak haji : napa Ungke, ngana akan jadi jago setelah ini.

Ungke pe trima tu jimat, kong langsung dia pigi di tenga kampung kong bakuku:

Ungke : uuuuuhhhhhh... mari jo sapa yang mau...jang setenga-setenga, satu
kampung maju jo samua...

satu kampung so mulai takumpul, kong ungke buka itu jimat, pas dia baca dia kage
" LARI JO NGANA JANG DONG BUNUNG." ............akakakkakakkak