Nilai Sembilan

Papa : Alo papa mau berangkat dulu, ngana blajar bae-bae, mau ujian.
Alo: pak, kalu kita dapat angka 9 mo kasih apa dang tu hadiah?
Papa : asal tu 9 ada 4 biji, papa beli akang Speda Polygon
Alo: Ok Pak, deal

Serta so abis ujian, trima raport Alo langsung priksa ada 4 biji tu angka 9. Alo telp dia pe Papa.

Alo: Pak, ada 4 biji tu angka 9. Bli jo tu speda.
Papa : Alo… Papa pulang sbentar dengan speda Polygon

Begitu Papa sampe di rumah, Alo langsung ambe tu speda.

Papa : John mana tu raport?
Alo: ambe jo di meja… Alo so pigi ba speda
Papa : Ma… baca akang dia pe raport, mo lia tu angka 9 kalu ada 4 biji.
Mama : kesenian 9, Alpa 9, ijin 9, sakit 9.
Papa : ….. Alooooo…..!!